ნამდვილი იტალიელი ქალის სტილის 7 საიდუმლო

ფორმებით ექსპერიმენტები და ასიმეტრია იტალიელებს არ ხიბლავთ. ისინი კლასიკურ, დროით გამოცდილ სილუეტებს ამჯობინებენ. მათი აზრით, წელში გამოყვანილი კაბა, კაბა-ხალათი და new look-ი ქალს უფრო მეტად ალამაზებს, ვიდრე რთული ფანტასტიკურ-არქიტექტურული სტილი.

სად გინახავთ იტალიელი ლამაზმანი, რომელიც ჭრელაჭრულა ფერშია გამოწყობილი? მათ მხოლოდ ბუნებრივ ფერებში შესრულებული სამოსი აცვიათ, რომელიც კიდევ უფრო გამოხატავს იტალიელი ქალის სილამაზეს.

იტალიელი ბებიები ბავშვობიდან ასწავლიან შვილიშვილებს, რომ ჩანთასა და ფეხსაცმელზე ეკონომია არ უნდა გააკეთონ. ფეხსაცმელი უცილებლად უნდა იყოს დახვეწილი და ხარისხიანი (სხვათა შოროს, იტალიაში ფეხსაცმელებს დღემდე ხელით კერავენ). მოთხოვნა ჩანთის მიმართაც აქვთ. იგი უნდა იყოს დახვეწილი ფორმისა და ზომის. არავითარი უფორმო ტომარა.

იტალიელი ქალები აღმერთებენ ქაშმირს. ეცადეთ, თქვენც დაუმეგობრდეთ ამ მატერიას. ყველა ქალის გარდერობში უნდა იყოს უბრალო, შავი ქაშმირის სვიტერი.

არავითარი ვერცხლი, იტალიელი ლამაზმანები ოქროს აღმერთებენ. უპირატესობას ძველმოდურ სამკაულებს ანიჭებენ და მათ მხოლოდ წვეულებებზე კი არ იკეთებენ, საღამოს კაბებთან, არამედ ყოველდღიურ ცხოვრებაში, თეთრ მაისურსა და ჯინსზე.

არც ერთი იტალიელი ქალი არ შეზღუდავს საკუთარ თავს აქსესუარებში. თუმცა, რაოდენობა და დახვეწილობა ერთმანეთში არ ერევათ.