22.08.2015 00:54
ბათუმში 12 სართულიანი სასტუმრო კომპლექსი შენდება
ბათუმში 12 სართულიანი სასტუმრო კომპლექსი შენდება
აჭარაში 12 სართულიანი სასტუმრო კომპლექსი "მეტრო სითი" შენდება, რომელიც არა მხოლოდ ტურისტებისთვის, ბიზნეს შეხვედრებისთვისაც ერთ-ერთი მიმზიდველი ადგილი იქნება.
კომპლექსის ტერიტორიაზე 3 შენობაში სულ 594 აპარტამენტი განთავსდება, 12 სართულიანი "მეტრო სითი" კი მინიმუმ 203 ნომრიანი იქნება და მოიცავს ათას ხუთას ადამიანზე გათვლილი საკონფერენციო დარბაზს, სავაჭრო ცენტრს, VIP რეზიდენციას, კაზინოს. სასტუმროში საპრეზიდენტო აპარტამენტებიც განთავსდება.
ამ დროისთვის უკვე აშენებულია სასტუმროს 6 სართული და აპარტამენტების 9 სართული. მშენებლობა 2014 წლის სექტემბერში დაიწყო და ამ დრომდე 800-მდე ადამიანი დაასაქმა.
პროექტი 90 მილიონი დოლარის ღირებულებისაა, მის გახსნას 2017 წლამდე ვარაუდობენ. "მეტრო სითი" 1000-მდე ადამიანს დაასაქმებს.