რას ნიშნავს სქესი და რა კრიტერიუმები განსაზღვრავენ მას?

როგორია ბიჭად და გოგოდ ყოფნის ნორმები, რომლებსაც კულტურა და სოციუმი ადამიანს უწესებს? რას ნიშნავს სქესი და რა კრიტერიუმები განსაზღვრავენ მას?

ალბათ ბევრს ჰყოლია კლასელი, რომელსაც ბავშვები ახტაჯანას, ქალბიჭას, ბიჭების შემთხვევაში კი «გოგოების მაჩალკას» უწოდებდნენ ან შეიძლება თქვენ იყავით ასეთი? სკოლებში მასკულინური გოგონებისა და ფემინური ბიჭების მიმართ დამოკიდებულება, ძირითადად, აგრესიულია. ასეთი განსხვავებული გენდერული ქცევის მქონე ბავშვებს ხშირად დასცინიან. ჩამოყალიბების ეტაპებზე სკოლის მოსწავლეებს შორის, ასევე ბავშვებსა და მშობლებს შორის წარმოქმნილ კონფლიქტებს მნიშვნელოვანი გავლენა აქვთ ბავშვის შემდგომ განვითარებაზე.

ამ თემებზე გადაცემაში «ქალბიჭა და ქალაჩუნა» პარასკევს, 10 მაისს 23:30 საათზე ისაუბრებს ფემინისტების დამოუკიდებელი ჯგუფის წევრი ბაია პატარაია.

დასასრულს კი გავა ირანელი რეჟისორის, ჯაფარ პანაჰის ფილმი «ოფსაიდი»